شہ سرخیاں

جہلم کی خبریں

جہلم( آصف انقلابی)ڈپٹی کمشنر جہلم اقبال حسین خان نے کہا ہے کہ سستے رمضان بازاروں کے انعقاد کیلئے انتظامات کو حتمی شکل دیدی گئی ہے،رمضان المبارک میں مصنوعی مہنگائی کی روک تھام کیلئے سبزی و فروٹ منڈیوں میں نیلامی کے عمل کی کڑی نگرانی کی جائے گی ،جہلم میں 6رمضان بازار لگائے گئے ہیں جن میں اشیاء خوردو نوش کی کم قیمتوں اور معیار برکرار رکھنے کے لئے ٹیمیں تشکیل دے دی گئی ہیں اور ضلع میں ڈپٹی کمشنر اور ڈی پی او نیلامی کا عمل اپنی نگرانی میں کروائیں گے۔ ڈپٹی کمشنر نے مزید کہا کہ رمضان بازاروں کے امور کی نگرانی کیلئے اسسٹنٹ کمشنرز تحصیل میں تمام امور کے ذمہ دار ہوں گے۔ رمضان بازار وں میں بمطابق ڈیمانڈاشیاء کی تقسیم کی جائے گی جبکہ فےئر پرائس شاپس پر آٹا، چینی اور بیسن،سبزیاں اور دالیں سستے داموں فراہم کی جائیں گی۔ انہوں نے کہا کہ تمام رمضان بازاروں میں سی سی ٹی وی کیمرے اور خریداروں کو ریٹس سے آگاہی کیلئے الیکٹرانکس بورڈ لگائے جائیں گے ، اسی طرح فرسٹ ایڈ باکس، شکایات سیل، بھی ہوگا ۔ انہوں نے ہدایت کی کہ سبزی و فروٹ منڈیوں میں نیلامی کے عمل کی نگرانی کیلئے متعلقہ آفیسرز کا ڈیوٹی روسٹر فوری جاری کیا جائے ، وہ خود بھی رمضان میں منڈیوں کے دورے کریں گے، سیکرٹری مارکیٹ کمیٹی یقینی بنائیں کہ ریٹ لسٹوں کابروقت اجراء کیا جائے اور ان پر عمل درآمد بھی یقینی بنایا جائے۔
—————————————————————————— جہلم( آصف انقلابی)پاکستان تحریک انصا ف کے ضلعی صدر چوہدری زاہد اختر نے کہا کہ پاکستان تحریک انصاف کا مقصد ملک و قوم کو لٹیروں ،چوروں اور کر پٹ حکمرانوں سے نجات دلا نا ہے مفاد پر ست اور کر پٹ سیاستدانوں کی نا ؤ ڈوبنے والی ہے عوام ان کے اصل چہروں سے آشنا ہو چکے ہیں ۔عوامی و ملکی مفادات حکو مت کی نظر میں کوئی معنی نہیں رکھتے ن لیگ کو اپنے جو ڑ توڑ اور نفع نقصان کی فکر ہے۔انہو ں نے کہا کہ ا میر و غریب کا فرق مٹا نا اور عوام کا معیار زند گی بلند کر نا پی ٹی آئی کا مشن ہے ۔ عوام غربت کی چکی میں پس رہے ہیں اور حکمران شاہا نہ انداز میں زند گی بسر کر ہے ہیں یہ کیسا نظام اور انصا ف ہے کہ محنت و مشقت کر نے والے محر ومیوں کے سائے میں زند گی گزاریں اور اے سی گاڑیوں اور کمروں میں بیٹھنے والے مو جیں کر یں۔غریب دو وقت کی روٹی کو ترسے اور امراء وزرا ء کے دسترخوان کئی قسم کے کھانوں سے سجے ہوں عوام کے لیے بجلی کم پڑ جا ئے اور وہ لو ڈ شیڈ نگ کے عذاب سے گزریں اور سیاستدانوں اور بیورو کریٹس کے گھرروشنیوں سے جگمگا تے رہیں ۔غریب کو مزید غریب تر اور امیر کو امیر ترین بنا نے والے اس سسٹم کی تبدیلی وقت کا اہم تقا ضا ہے چوہدری زاہد اختر نے مزیدکہا کہ پاکستان تحریک انصاف عوام کے سا تھ ہے اور عمران خان کی سر براہی میں اپنے مشن کی تکمیل کے لیے کوششیں کر رہی ہے انشا ء اللہ ہماری کوششیں ضرور رنگ لا ئیں گی ہم عوام کو ان کا حق دلا کر دم لیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چوہدری جہلم( آصف انقلابی)انصر گرداورواپسی گھر جاتے ہوئے نامعلوم افراد کے ہاتھوں شدید زخمی ہوگئے،مقامی پولیس نے نامعلوم افرادکے خلاف FIRدرج کرلی،تفصیلات کے مطابق چوہدری انصر گرداور اپنی ڈیوٹی سرانجام دینے کے بعد جہلم سے اپنے گھر واپس جارہے تھے کہ نٹائن گاؤں کے قریب دونامعلوم ملزمان جوموٹر سائیکل پرسوار تھے چوہدری انصر پر فائر کھول دیا ،اس وقت چوہدری انصر اپنی کار چلارہے تھے تقریباً 5فائر کیے گئے ایک گولی چوہدری انصر کو کمر کے قریب لگی جس سے چوہدری انصر شدید زخمی ہوگئے ،حالات کی نزاکت کے پیش نظر مذکورہ شخص کو فوری طور پر روالپنڈی سرکاری ہسپتال پہنچا دیا گیا ذرائع کے مطابق ان کی حالت خطر ے سے باہر ہے مقامی پولیس نے نامعلوم افراد کے خلاف FIRدرج کر لی ہے اور ملزمان کو پکڑنے کے لیے پولیس متحرک ہوچکی ہے اس واقع سے اہل علاقہ میں خوف پیدا ہوچکاہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( آصف انقلابی)جدید تعلیم کا حصول کامیابی کی اہم کنجی ہے،اقوام عالم کا مقابلہ کرنے کیلئے ہمیں تعلیمی میدان میں جدت اور معیارکو بلند کرنا ہوگا۔ان خیالات کا اظہار جذبہ خدمت خلق سے سرشار سماجی راہنما،ہردلعزیز شخصیت کیانی پبلک سکول اینڈ گرلز انٹر کالج نکودر کے پرنسپل محمدصدیق کیانی نے میڈیا سے خصوصی گفتگو کرتے ہوئے کہا تفصیلات کے مطابق پرنسپل محمدصدیق کیانی نے کہا جدید تعلیم کا حصول کامیابی کی اہم کنجی ہے،اقوام عالم کا مقابلہ کرنے کیلئے ہمیں تعلیمی میدان میں جدت اور معیارکو بلند کرنا ہوگاپرنسپل محمدصدیق کیانی نے طلبہ وطالبات پر زور دیکر کہا کہ وہ دلجمعی اور لگن سے اپنی تعلیم پر توجہ مرکوز کریں،تعلیمی میدان میں کامیابیوں کے جھنڈے گاڑکر ہی طلبہ و طالبات والدین اور وطن عزیز اسلامی جمہوریہ پاکستان کا نام روشن کر سکتے ہیں۔ سماجی راہنما،ہردلعزیز شخصیت کیانی پبلک سکول اینڈ گرلز انٹر کالج نکودر کے پرنسپل محمدصدیق کیانی نے واضح الفاظ میں کہا کہ تعلیم دنیا میں کامیابی ،انسان کی شخصیت اور کردار کو سنوارنے کا اہم ذریعہ ہے۔تعلیم یافتہ معاشرہ تشکیل دیکر ہم بے شمار قباحتوں اور برائیوں سے خودکو محفوظ بنا سکتے ہیں۔ طلبہ وطالبات والدین کی توقعات پوری کرنے کیلئے اپنی توجہ تعلیم پر مرکوز رکھیں تاکہ کامیابی ان کے قدم چومے اور زندگی کے ہر موڑ پر خوشیاں ان کا استقبال کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( آصف انقلابی)معروف صحافی عمر علی اصغر کی والدہ انتقال کرگئی ان کی نمازجنازہ ان کے آبائی گاؤں میں ادا کر دی،تفصیلات کے مطابق گذشتہ روز معروف صحافی عمر علی اصغر کی والدہ ماجدہ نکی جگسی میں انتقال کرگئی ،مرحومہ کا نمازِجنازہ ان کے آبائی گاؤں میں ادا کردیا گیا ،نمازِجنازہ میں شہری ،سیاسی، سماجی وصحافی کی کثیر تعداد نے شرکت کی ،محرحومہ کی نمازِجنازہ کے بعد ان کے آبائی گاؤں میں تدفین کردی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم ( آصف انقلابی) جب تک مسلمان قرآن کے علوم پر عمل پیرا تھے کامیابی انکی مقدر تھی قرآنی تعلیمات پر جس نے بھی عمل کیا ہمیشہ سرخرو رہا ہے ان خیالات کا اظہار معروف عالم دین مولانا شیر محمد خطیب مرکزی جامع مسجد جادہ نے جامعہ عائشہ صدیقہؓ للبنات جہلم میں تکمیل حفظ قرآن کے تقریب سے خطاب کرتے کیا ان کا کہنا تھا فلاح دارین کے لئے قرآنی علوم کوپر خود بھی عمل پیرا ہونا اور بچوں کو سکھانا انتہائی ضروری ہے انہوں نے حفظ قرآن مکمل کرنے والے خوش نصیب بچے حافظ محمد راشد ولد سعید احمداور انکے اساتذہ کو مبارکباد دی اس بابرکت محفل میں کثیر تعداد میں لوگوں نے شرکت کرتے ہوئے شرکاء نے مدیر جامعہ عائشہ صدیقیہ للبنات مولانا سعید عبداللہ کے کاوشوں کو سراہتے ہوئے خراج تحسین پیش کیاس بابرکت محفل سے مدیر جامعہ ہذا کے علاوہ مولانا بصیر احمدنے بھی خطاب کیا جبکہ محمد احمد نے سامعیں کو نعت رسول مقبول ﷺ سنانے کی سعادت حاصل کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( آصف انقلابی)جمعیت علماء اسلام اسلام کا نفاذ چاہتی ہے جس مقصد کے لئے وطن عزیز کو حاصل کیا گیا تھا عالمی صد سالہ اجتماع کے زریعے پاکستان میں اورساری دنیا کو امن کا پیغام دیا امریکہ،اسرائیل،انڈیابلوچستان کے اندر دہشت گردی کر رہا ہے ڈپٹی چئرمین سینٹ مولانا عبد الغفور حیدری پر حملہ مزدوروں کا قتل عام کرنا سی پیک منصوبہ اور ہمارے ملک کی امن کو تباہ کرنے کی کوشش کی جارہی ہے ان خیالات کا اظہار قائم مقام جنرل سیکٹری جمعیۃ علماء اسلام مولانا امجد خان نے مقامی ہوٹل میں میاں محمد رفیق جنرل سیکٹری جمعیۃ علماء اسلام کے ہمراہ تحصیل دینہ پریس کلب کے نمائندوں سے بات چیت کرتے ہوئے کیا انکا کہنا تھاکہ امریکہ اور اسکے اتحادیوں نے عراق،شام،لیبیا،افغانستان ،برما،فلسطین ودیگر اسلامی ممالک میں مسلمانوں کے لاشوں کے ڈھیر لگا دئے اور انکا خون سمندر کے پانی کی طرح بہایا گیا مگر پھر بھی وہ اپنے مقاصد کے حصول میں ناکام رہے ہیں ہر پاکستان کا یہ حق ہے کہ اسے امن دیا جائے کشمیری عوام کو انکا حق دیا جائے جمعیۃ علماء اسلام کے سربراہ مولانا فضل الرحمن نے واضح کہہ دیا تھا کہ مسئلہ کشمیر کو کشمیری عوام کے امنگوں کے مطابق حل کیا جائے انڈیا کا جبر و ستم اپنے انتہاء کو پہنچ چکا ہے انڈیا اب بے بس ہو چکا ہے انہوں نے کہا کہ پاکستان کی تمام سیاسی جماعتوں کو دعوت فکر دیتا ہوں کہ دشمن کی نظریں ہماری طرف ہیں آپس میں اتحاد اوراتفاق کے ساتھ اپنے وطن کی فلاح و بہبود کے لئے کام کریں ایک سوال کے جواب میں انکا کہنا تھا کہ دینی جماعتوں کے اتحاد کے لئے کوششیں جاری ہیں ہم نے 2013ء میں بھی ایک ایک جماعت کا دروازہ کھٹکٹایا تھاکہ اتحاد ہونا چاہئے قوم کی نظریں دینی جماعتوں پر ہے کے پی کے کے حوالے سے انکا کہنا تھا کہ ناکام حکومت نیا پشاور نہ بنا سکے نیا پاکستان کیا بنائنگے انکا کردار عوام کے سامنے ہیں جوق در جوق لوگ تحریک انصاف سے مستعفی ہو کر جمعیۃ علماء اسلام کے قافلے میں شریک ہو رہے ہیں جبکہ آئندہ حکومت بھی کے پی کے میں جمعیۃ علماء اسلام کی ہوگی اس موقع پر انہوں نے تحصیل دینہ پریس کلب کے نائب صدرساجد مغل کے بھائی کے لئے دعائے مغفرت اور لواحقین کی لئے صبر جمیل کی دعا کی۔

Share this

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow