شہ سرخیاں

کراچی میں دہشتگردی کی حالیہ لہر میں ’’انصار الشریعہ‘‘ نامی گروہ ملوث، سیکیورٹی ذرائع

سیکیورٹی ذرائع کے مطابق انصار الشریعہ اسامہ بن لادن اور ایمن الزواہری سے متاثر ہے،  یہ گروہ داعش کے فلسفے سے متاثر نہیں ہوسکا بلکہ القاعدہ کی طرز پر وجود میں آیا ہے۔ ذرائع کے مطابق گروہ نے ابتدا میں داعش کی چھتری تلے کارروائیاں کیں لیکن پھر اختلافات ہوگئے۔

ذرائع نے بتایا کہ گروہ القاعدہ برصغیر، کالعدم لشکر جھنگوی، کالعدم تحریک طالبان اور داعش سے نکلے دہشتگردوں پر مبنی ہے اور فی الحال اس گروہ کو احمد فاروق نامی دہشتگرد چلا رہا ہے۔

گروہ کی کارروائیاں کراچی اور بلوچستان تک محدود ہیں، گروہ نے پہلی کارروائی اسی سال گلستان جوہر میں موبائل فرنچائز پر کی اور 21 فروری کو پولیس یونیفارم سے ملتی جلتی یونیفارم پہنے سیکیورٹی گارڈ کو قتل کیا گیا جب کہ یہ کارروائی موٹرسائیکل سوار دہشتگردوں نے پولیس اہلکار کے شبہے میں کی۔

گروہ نے دوسری کارروائی 5 اپریل کو شارع فیصل پر بلوچ کالونی پل کے قریب کی، اس کارروائی میں ریٹائرڈ کرنل طاہر ناگی کو موٹرسائیکل سوار دہشتگرد نے فائرنگ کرکے قتل کیا، ریٹائرڈ کرنل کو قتل کرنے کے لیے دو سے تین موٹرسائیکل سوار دہشت گرد اپنے ساتھی کو کور فراہم کررہے تھے اور صرف ایک دہشت گرد نے کرنل ریٹائرڈ طاہر کو قتل کیا، کارروائی کے بعد ریٹائرڈ کرنل طاہر کا لیپ ٹاپ بھی دہشتگرد اپنے ہمراہ لے گیا جب کہ واقعے کی سی سی ٹی وی فوٹیج بھی جیونیوز نے حاصل کر لی ہے۔ ریٹائرڈ کرنل طاہر فوج میں بھرتی کے لیے مقابلے کے امتحان کی تیاری کراتے تھے۔

Share this

Leave a Reply

Your email address will not be published. Required fields are marked *

*

Powered by Dragonballsuper Youtube Download animeshow